బాలీవుడ్లో రీమేక్ చిత్రాల ట్రెండ్ కొనసాగుతోంది. ఇటీవలి కాలంలో హిందీలో రీమేక్ అవుతున్న పరభాష చిత్రాలకు అందాల సుందరి 'కియారా అడ్వాణీ' కేరాఫ్ అడ్రస్గా నిలుస్తోంది. గతంలో పలు రీమేక్ చిత్రాల్లో ఆడిపాడిన ఈ ముద్దుగుమ్మ తాజాగా తెలుగు, తమిళంలో ఘనవిజయం సాధించిన అర్జున్రెడ్డి, కాంచన చిత్రాల హిందీ రీమేక్లోనూ నటిస్తోంది. ఈ రెండు చిత్రాలను మాతృక భాషలో తెరకెక్కించిన సందీప్ రెడ్డి, రాఘవ లారెన్స్లే హిందీ రీమేక్లో దర్శకత్వం వహిస్తున్నారు. అర్జున్ రెడ్డి చిత్రం 'కబీర్ సింగ్' పేరుతో, కాంచన సినిమా 'లక్ష్మీ బాంబు' పేరుతో హిందీలో రీమేక్ అవుతున్నాయి. ఈ రెండు చిత్రాల్లో హీరోయిన్గా నటిస్తుండడంపై కియారా ఆనందం వ్యక్తం చేసింది.
రీమేక్ చిత్రాల రాణిగా మహేశ్ హీరోయిన్ - హిందీ
బాలీవుడ్ బ్యూటీ కియారా అడ్వాణీ... ప్రస్తుతం హిందీలో రీమేక్ అవుతున్న పరభాష చిత్రాల్లో హీరోయిన్ పాత్రకు కేరాఫ్ అడ్రస్గా నిలుస్తోంది. గతంలో పలు రీమేక్ చిత్రాల్లో నటించిన ఈ భామ తాజాగా తెలుగు, తమిళంలో ఘన విజయాన్ని అందుకున్న అర్జున్రెడ్డి, కాంచన చిత్రాల హిందీ రీమేక్ లోనూ నటిస్తోంది.
హిందీలో రీమేక్ చిత్రాల రాణి ఈ బ్యూటీ
" ఈ రెండు చిత్రాల్లో భాగస్వామి అయినందుకు నాకు థ్రిల్గా ఉంది. కబీర్ సింగ్లో అవకాశం రావడానికంటే చాలా ముందే నేను అర్జున్రెడ్డి చిత్రం చూశాను. ఆ సినిమా అంటే నాకు ఎంతో ఇష్టం. ఇలాంటి రొమాంటిక్ చిత్రాల్లో నటించాలని నా మనసులో ఆశపడ్డాను. అనుకున్నట్లుగానే హిందీ రీమేక్లో నటించే అవకాశం వచ్చింది. లక్ష్మీబాంబుకు సంబంధించినంత వరకు.. ఈ చిత్రం స్క్రిప్ట్ అద్భుతంగా ఉంది. ఇది మాతృక భాషలోని సినిమాతో పోలిస్తే కొత్తగా ఉంటుంది. అందుకే తమిళంలోని కాంచన సినిమాను చూడొద్దని నిర్మాతలు నాకు సూచించారు. అయితే ఈ రెండు చిత్రాల రీమేకులకు మాతృకంలో తెరకెక్కించినవారే దర్శకత్వం వహిస్తున్నందున నా పని తేలికవుతుంది."
-కియారా అడ్వాణీ
కియారా అడ్వాణీకి దక్షిణాదిన మంచి ఫాలోయింగ్ ఉంది. తెలుగులో నటించిన తొలి చిత్రం భరత్ అనే నేను చిత్రంతోనే ప్రేక్షకుల మన్ననలు అందుకుంది. రామ్ చరణ్కు జోడీ వినయ విధేయ రామలోనూ నటించి అందచందాలతో కుర్రకారు హృదయాలను కొల్లగొట్టింది కియారా.