నెల గ్యాప్లో రెండు విజయాలు అందుకున్నాడు హీరో కార్తి. 'ఖైదీ', 'దొంగ' లాంటి థ్రిల్లర్ చిత్రాలతో హిట్ సొంతం చేసుకున్న ఈ కోలీవుడ్ కథానాయకుడు ప్రస్తుతం మణిరత్నం తెరకెక్కిస్తున్న ‘పొన్నియిన్‌ సెల్వన్‌’ చిత్రంలో నటిస్తున్నాడు. ఈ సినిమా సెట్పై ఉండగానే పీఎస్ మిత్రన్ దర్శకత్వంలో ఓ మూవీ చేయనునట్లు సమాచారం.
ఇందులో కార్తి ద్విపాత్రాభినయం చేయనున్నాడట. ఈ సినిమాపై ఇంకా ఎలాంటి అధికారిక ప్రకటన వెలువడలేదు. వచ్చే ఏడాది నుంచి ఈ సినిమా పట్టాలెక్కనున్నట్లు తెలుస్తోంది. ఈ ప్రాజెక్టుకు సంబంధించిన ఇతర నటీనటుల వివరాలు తెలియాల్సి ఉంది. ఇప్పటికే కార్తి.. 'సిరుతై'(విక్రమార్కుడు రీమేక్), 'కాష్మోరా' చిత్రాలలో డబుల్రోల్లో నటించి ప్రేక్షకులను మెప్పించాడు.