షారుఖ్ ఖాన్ అభిమానులను బాలీవుడ్ దర్శక నిర్మాత కరణ్ జోహార్ క్షమాపణలు కోరాడు. కింగ్ఖాన్కు వ్యతిరేకంగా వచ్చిన ట్వీట్కు కరణ్ లైక్ కొట్టిన నేపథ్యంలో దుమారం రేగింది. #షేమ్ ఆన్ కరణ్ అనే హ్యాష్ ట్యాగ్తో షారుఖ్ ఫ్యాన్స్ బాలీవుడ్ దర్శకుడిపై ట్విట్టర్లో నిరసన వ్యక్తం చేశారు. స్పందించిన కరణ్.. తన ట్విట్టర్ ఖాతాలో సాంకేతిక సమస్య తలెత్తిందని బదులిచ్చారు.
షారుఖ్ అభిమానులకు కరణ్ క్షమాపణలు
షారుఖ్ ఫ్యాన్స్ నుంచి వస్తున్న నిరసనలపై స్పందించాడు కరణ్. ట్విట్టర్ ఖాతాలో సాంకేతిక సమస్య తలెత్తిందని క్షమాపణ కోరాడు. కింగ్ ఖాన్కు వ్యతిరేకంగా వచ్చిన ట్వీట్కు కరణ్ లైక్ కొట్టాడు. దీనిపై ట్విట్టర్లో షారూక్ అభిమానులు ఆగ్రహం వ్యక్తం చేశారు.
కరణ్ జోహార్
అక్షయ్ కుమార్ నటించిన కేసరి చిత్రాన్ని షారుఖ్ జీరో సినిమాతో పోలుస్తూ చేసిన ట్వీట్కు కరణ్ లైక్ కొట్టాడు. ఆగ్రహించిన కింగ్ ఖాన్ అభిమానులు కరణ్కు వ్యతిరేకంగా పోస్టులు పెడుతూ నిరసన వ్యక్తం చేస్తున్నారు. ట్విట్టర్ వేదికగా తీవ్రంగా విమర్శలు చేస్తున్నారు.
కరణ్ జోహార్ దర్శకత్వం వహించిన కుచ్ కుచ్ హోతా హై, కభీ ఖుషీ కభీ ఘమ్, కభీ అల్వీదా నా కహెనా, మై నేమ్ ఈజ్ ఖాన్ లాంటి విజయవంతమైన చిత్రాల్లో షారుఖ్ నటించాడు. కరణ్ చివరిగా దర్శకత్వం వహించిన ఏ దిల్ హై ముష్కిల్ సినిమాలోనూ బాలీవుడ్ బాద్ షా అతిథి పాత్రలో మెరిశాడు.