యశ్ హీరోగా నటించిన కన్నడ సినిమా 'కేజీఎఫ్' దేశ వ్యాప్తంగా పలు భాషల్లో విడుదలై విజయవంతమైంది. ఈ సినిమాకు కొనసాగింపుగా దర్శకుడు ప్రశాంత్‌ నీల్‌ రెండో భాగాన్ని ఛాప్టర్‌ 2గా తెరకెక్కిస్తున్నాడు. ప్రస్తుతం చిత్రీకరణ జరుపుకొంటోంది. ఇందులో బాలీవుడ్‌ సీనియర్ నటుడు సంజయ్‌దత్‌ కీలక పాత్ర పోషిస్తున్నాడు. తాజాగా మరో సీనియర్ కథానాయిక రవీనా టాండన్ ఈ చిత్రంలో నటిస్తున్నట్లు అధికారికంగా ప్రకటించింది చిత్ర బృందం. ఎప్పటి నుంచో ఆమె యశ్‌తో నటించబోతుందంటూ వార్తలొచ్చినా స్పష్టత లేకపోవడం వల్ల అవన్నీ ఊహాగానాలే అనుకున్నారంతా.
'కేజీఎఫ్ 2'లో రవీనా... ప్రకటించిన చిత్రబృందం
కన్నడ స్టార్ హీరో యశ్ ప్రధానపాత్రలో నటిస్తోన్న చిత్రం 'కేజీఎఫ్ 2' సీనియర్ కథానాయిక రవీనా టాండన్ ఓ ప్రధానపాత్రలో కనిపించనుంది. ఈ మేరకు చిత్రబృందం అధికారికంగా ప్రకటించింది.
'కేజీఎఫ్ 2'లో సీనియర్ కథానాయిక
ఇప్పుడు ఈ విషయాన్నిచిత్ర బృందం అధికారికంగా ప్రకటించడం వల్ల సినిమాపై అభిమానుల్లో మరిన్ని అంచనాలు పెరిగాయి. గతంలో రవీనా కన్నడ చిత్రం 'ఉపేంద్ర'లో ఉపేంద్రతో కలిసి నటించింది. మళ్లీ ఇన్నేళ్ల తర్వాత ప్రేక్షకులను పలకరించబోతుంది.
ఇదీ చూడండి : సుమంత్ ప్రత్యేకం: 'ప్రేమ కథ' నుంచి 'మళ్లీరావా' వరకు
Last Updated : Feb 29, 2020, 6:11 PM IST