బాలీవుడ్ నటి కంగనా రనౌత్ కరోనా వైరస్ నుంచి కోలుకుంది. మే 8న కొవిడ్ బారిన పడిన ఆమె.. స్వీయనిర్బంధంలో ఉంటూ తగిన జాగ్రత్తలు పాటిస్తుంది. మంగళవారం చేసిన కొవిడ్ టెస్ట్లో నెగెటివ్గా తేలినట్లు కంగన వెల్లడించింది.
కంగనా రనౌత్ ఇన్స్టాగ్రామ్ స్టోరీ "ఈ రోజు చేసిన కొవిడ్ పరీక్షలో నాకు కరోనా నెగెటివ్ వచ్చింది. వైరస్ను ఎలా ఓడించాననే విషయాన్ని పంచుకోవాలనుకుంటున్నా. కానీ, కరోనా ఫ్యాన్స్ క్లబ్ను కించపరచవద్దని నేను నిర్ణయించుకున్నా. వైరస్ను అగౌరవపరిస్తే వారు మనస్తాపం చెందుతారు. ఏదీ ఏమైనా నాపై మీరు చూపించిన ప్రేమాభిమానాలకు ధన్యవాదాలు".
- కంగనా రనౌత్, బాలీవుడ్ నటి
ట్విట్టర్ వేదికగా కంగనా రనౌత్ ఇటీవలే బంగాల్ ఎన్నికలపై చేసిన సంచలన వ్యాఖ్యల పట్ల సోషల్మీడియాలో దుమారం రేగింది. ట్విట్టర్ నిబంధనలను ఉల్లంఘించిన కారణంగా కంగన ట్విట్టర్ ఖాతాను శాశ్వతంగా తొలగిస్తున్నట్లు సదరు డిజిటల్ సంస్థ ప్రకటించింది. ఆ తర్వాత కరోనా బారిన పడిన కంగన.. వైరస్ ఒక ఫ్లూ లేదా జ్వరం వంటిదేనని ఇన్స్టాగ్రామ్ పోస్ట్ పెట్టింది. దీనిపై స్పందించిన ఇన్స్టా ఆమె చేసిన పోస్ట్ను తొలగించింది.
కంగనా రనౌత్.. ప్రస్తుతం తమిళనాడు ముఖ్యమంత్రి జయలలిత బయోపిక్ 'తలైవి'లో నటిస్తోంది. ఇందులో ఆమె జయలలిత పాత్ర పోషిస్తుంది. దీంతో పాటు 'తేజస్', 'ధాకడ్' వంటి చిత్రాలతో బిజీగా ఉంది.
ఇదీ చూడండి..కరోనాతో అగ్రహీరోల మేకప్మ్యాన్ మృతి
