సినిమాలే ప్రపంచంగా బతికేస్తూ తమకు ఇష్టమైన చాలా విషయాలకు సమయం కేటాయించలేని వాళ్లు ఇప్పుడు లాక్డౌన్ కారణంగా రంగంలోకి దిగారు. వంట గదిని ప్రయోగశాలగా చేసేసి కొత్త వంటకాలను కొందరు సిద్ధం చేస్తుంటే.. మరికొందరు పాత జ్ఞాపకాలతోనూ, పెంపుడు జంతువులతోనూ కాలక్షేపం చేస్తున్నారు.
ప్రముఖ బాలీవుడ్‌ కథానాయిక కంగనా రనౌత్‌ కుటుంబంతో గడుపుతూనే తనకు ఇష్టమైన కప్ కేకుల తయారీలో నిమగ్నమైంది. కంగన సోదరి రంగోలి కంగనా చిన్ననాటి ఫొటోను పంచుకుంది. స్కూల్‌ రోజుల్లో వేసిన రామాయణ నాటకానికి సంబంధించిన ఫొటో అది. అందులో సీత వేషం వేసిన చిన్నారి కంగన.. ఎర్ర చీరలో ఆకట్టుకుంటోంది.