కరణ్ జోహార్ తెరకెక్కిస్తున్న పీరియాడికల్ డ్రామా "కళంక్". సినిమా టీజర్ను విడుదల చేసింది చిత్రబృందం. బాలీవుడ్ తారలు సంజయ్ దత్, మాధురీ దీక్షిత్, వరుణ్ ధావన్, అలియా భట్, సోనాక్షి సిన్హా, ఆదిత్య రాయ్ కపూర్ ప్రధాన పాత్రలు పోషిస్తున్నారు. "టూ స్టేట్స్" సినిమాతో ఆకట్టుకున్న అభిషేక్ వర్మన్ దర్శకత్వం వహిస్తున్నారు.
"కళంక్" టీజర్ వచ్చేసిందోచ్...
బాలీవుడ్ అగ్రతారలు నటిస్తున్న "కళంక్" టీజర్ విడుదలైంది. స్వాతంత్య్రం రాక ముందు జరిగిన ఓ యదార్థ కథతో సినిమా తెరకెక్కింది.
నెట్టింట్లో సందడి చేేస్తున్న కళంక్ టీజర్
ఈ మధ్య చిత్రబృందం విడుదల చేసిన పోస్టర్లు అభిమానులను ఆకట్టుకున్నాయి. కరణ్ జోహార్,సాజిద్ నడియావాలా, యాశ్ జోహార్, అపూర్వ మెహతా నిర్మాతలుగా వ్యవహరించారు. ప్రీతమ్ సంగీతమందించారు. అతిథి పాత్రల్లో కియరా అడ్వాణీ, కృతి సనన్ కనిపించనున్నారు. వేసవి కానుకగా ఏప్రిల్ 17న విడుదల కానుంది ఈ భారీ బడ్జెట్ చిత్రం.