జేమ్స్ బాండ్ భామనూ వదలని కరోనా

జేమ్స్ బాండ్ సినిమాలో నటించిన ముద్దుగుమ్మ ఓల్గా, కరోనా పాజిటివ్​గా తేలింది. ఈ విషయాన్ని ఆమె ఇన్​స్టా వేదికగా పంచుకుంది. నెటిజన్లకు జాగ్రత్తగా ఉండమని సూచించింది.

జేమ్స్​ బాండ్​ నటి, ఉక్రెయిన్ మోడల్​ ఓల్గా కురిలెంకో కరోనా బారిన పడింది. ఈ విషయాన్ని తన ఇన్​స్టా వేదికగా పంచుకుంది. నెటిజన్లకు జాగ్రత్తలు చెప్పింది. వైరస్ సోకినట్లు నిర్ధారణ అయినప్పటి నుంచీ ఇంట్లోనే ఉన్నానని, దాదాపు వారం నుంచి జ్వరం, అలసటతో ఇబ్బంది పడుతున్నానని రాసుకొచ్చింది.

ఉక్రెయిన్ మోడల్​ ఓల్గా కురిలెంకో

2008లో వచ్చిన జేమ్స్ బాండ్ సినిమా 'క్వాంటమ్ ఆఫ్ సోలేస్', 2013లో వచ్చిన 'ఒబ్లివియన్'లో నటించిందీ భామ. కొన్నిరోజుల క్రితం హాలీవుడ్​కు చెందిన ప్రముఖ నటుడు టామ్ హ్యాంక్స్​, అతడి భార్య రీటా విల్సన్​కు కరోనా సోకింది. యూనివర్సల్ మ్యూజిక్ ఛైర్మన్, సీఈఓ లూసియన్ గ్రైంజ్.. ఈ వైరస్​ కారణంగానే వారం రోజుల ముందు ఆస్పత్రిలో చేరారు.