అగ్రకథానాయిక నయనతార.. త్వరలో వివాహ బంధంలోకి అడుగుపెట్టనుందంటూ జోరుగా వార్తలు వస్తున్నాయి. తన ప్రియుడు, దర్శకుడు విఘ్నేశ్ శివన్ను ఆమె పెళ్లి చేసుకోనుందని ప్రచారం జరుగుతోంది. తమిళనాడులోని ఓ గుడిలో త్వరలో వివాహం చేసుకోనున్నారని.. పరిమిత సంఖ్యలో బంధువులు మాత్రమే హాజరవుతారని సమాచారం.
ఈ శుభవార్తతో నయన్ అభిమానులు సంతోషం వ్యక్తం చేస్తున్నారు. నయన్-విఘ్నేశ్‌కు శుభాకాంక్షలు తెలుపుతూ నెట్టింట్లో పోస్టులు పెడుతున్నారు. అయితే తమ పెళ్లి గురించి వస్తోన్న వార్తలపై నయన్ కానీ, విఘ్నేశ్ కానీ ఇప్పటివరకూ అధికారికంగా ఎలాంటి ప్రకటన చేయలేదు.