బాలీవుడ్ నటుడు విక్కీ కౌశల్.. ప్రస్తుతం హిందీ చిత్రసీమలో విలక్షణ కథలతో దూసుకెళ్తోన్న యువ నటుడు. అతడు నటించిన 'ఉరి: ది సర్జికల్‌ స్ట్రైక్‌’' చిత్రం ప్రేక్షకులను బాగా ఆకట్టుకుంది. ఈ సినిమాలో మేజర్‌ విహాన్‌ సింగ్‌ సెర్గిల్‌గా నటించి మెప్పించాడు. అయితే విక్కీ, బాలీవుడ్ బార్బీ కత్రినా కైఫ్‌ల ప్రేమ బంధంపై కొన్ని వార్తలు హల్‌చల్‌ చేస్తున్నాయి. వీరిద్దరూ డేటింగ్లో ఉన్నారంటూ సామాజిక మాధ్యమాల్లో పోస్టులతో సందడి చేస్తున్నారు నెటిజన్లు.
కత్రినా కైఫ్ హగ్ చేసుకుంది విక్కీనేనా?
బాలీవుడ్ నటులు విక్కీ కౌశల్, కత్రినా కైఫ్ ప్రేమలో ఉన్నట్లు కొంతకాలంగా వార్తలు వస్తున్నాయి. తాజాగా తన ఇన్స్టాలో కత్రిన పెట్టిన ఓ పోస్ట్ ఇందుకు బలాన్ని చేకూరుస్తోంది.
కత్రినా కైఫ్ హగ్ చేసుకుంది విక్కీనేనా?
తాజాగా తన ఇన్స్టాలో ఓ పోస్టు పెట్టింది కత్రినా కైఫ్. ఇందులో తను ఎవరినో హగ్ చేసుకున్నట్లు స్పష్టంగా కనిపిస్తోంది. ఆ ఫొటోకు సీతాకోకచిలకల్ని జోడించి తాను గాల్లో తేలిపోతున్నట్లు చెప్పకనే చెప్పింది. అయితే ఈ ఫొటోను చూసిన నెటిజన్లు కత్రిన కౌగిలించుకుంది విక్కీనేనని ఆధారాలతో సహా కామెంట్లు పెడుతున్నారు. కత్రిన హగ్ చేసున్న అతడి షర్ట్.. విక్కీ ఓ సందర్భంలో వేసుకున్న షర్ట్ ఒకటే కావడం గమనార్హం.
2019 నుంచి వీరిద్దరూ డేటింగ్లో ఉన్నట్లు వార్తలు వస్తున్నాయి. గతేడాది ఇషా అంబానీ హోలీ పార్టీతో పాటు పలు వేడుకల్లో వీరు సందడి చేశారు. విక్కీ నటించిన 'భూత్-ద హాంటెడ్ షిప్' స్పెషల్ స్క్రీనింగ్కూ కత్రిన హాజరైంది. ప్రస్తుతం వీరిద్దరూ 'ఫోన్ భూత్' అనే చిత్రంలో నటిస్తున్నారు. ఇషాన్ ఖత్తర్ కూడా ఇందులో కీలకపాత్ర పోషిస్తున్నాడు.
Last Updated : Jan 29, 2021, 12:10 PM IST