ప్రముఖ పాప్ సింగర్ డఫీ.. తన జీవితంలో చోటుచేసుకున్న బాధాకర విషయాల్ని ఇటీవలే పంచుకుంది. గతంలో ఓసారి తనపై కొన్నివారాలు అత్యాచారం చేయడం సహా మాదకద్రవ్యాలు ఇచ్చి బందీగా చేసి హింసించారని చెప్పింది. తనలాంటి బాధితులకు అండగా నిలిచేందుకు ఇప్పుడీ విషయాల్ని బయటపెట్టినట్లు పేర్కొంది.
"ఆ రోజు నా పుట్టినరోజు. పార్టీ చేసుకునేందుకు ఓ రెస్టారెంట్కు వెళ్లా. అప్పుడు ఆహారంలో మత్తుమందు కలిపి ఇచ్చారు. స్పృహ కోల్పోయిన తర్వాత వేరే దేశానికి తీసుకెళ్లిపోయారు. కనీసం విమానం ఎక్కడమైనా గుర్తులేదు. అక్కడ నుంచి ఓ ప్రదేశానికి చేరుకున్న అనంతరం వేరే వాహనంలో ఓ హోటల్కు తరలించారు. అక్కడ ఓ గదిలో ఓ వ్యక్తి నాపై పలుమార్లు అత్యాచారం చేశాడు. దానితోపాటే మాదక ద్రవ్రాలు ఇచ్చి, బందీగా చాలా రోజులు అక్కడే హింసించాడు" -డఫీ, ప్రముఖ పాప్ సింగర్