ఒలింపిక్స్లో(Olympics) భారత అథ్లెట్లు కొందరు తమ ప్రదర్శనతో మెప్పిస్తుండగా.. మరికొందరు నిరాశపరుస్తున్నారు. వెయిట్లిఫ్టర్ మీరాబాయ్ చాను(Mirabai Chanu).. ఇప్పటికే మహిళల 49 కిలోల విభాగంలో రజతం సాధించగా, ఒలింపిక్స్లో పాల్గొన్న ఇతర క్రీడాకారులు పతకమే లక్ష్యంగా సత్తా చాటుతున్నారు. అయితే టోక్యో ఒలింపిక్స్లో పాల్గొన్న అథ్లెట్లకు ప్రముఖ మల్టీప్లెక్స్ సంస్థ ఐనాక్స్(INOX) అదిరిపోయే ఆఫర్ ప్రకటించింది.
పతకం సాధించిన వారికి తమ మల్టీప్లెక్స్ల్లో జీవితాంతం ఉచితంగా సినిమాలు చూసే అవకాశం కల్పిస్తున్నట్లు ప్రకటించింది. పాల్గొన్న వారందరికీ ఏడాది పాటు ఫ్రీగా(Free Tickets) సినిమా టికెట్స్ ఇవ్వనున్నట్లు వెల్లడించింది.