ఇకపై సరికొత్త పాత్రలో ఇలియానా!

నాయికగా వెండితెరపై విజయవంతమైన ఇలియానా.. ఇకపై సరికొత్త పాత్రలో కనిపించబోతోంది. ఓటీటీ వేదికపై సత్తా చాటేందుకు సిద్ధమైందని సమాచారం. త్వరలో అమెజాన్​ ప్రైమ్​ కోసం ఓ టాక్​ షో చేయనుంది.

వెండితెరపై జోరు చూపిస్తూనే.. ఓటీటీ వేదికలపైనా సత్తా చాటేందుకు ఉత్సాహం చూపిస్తున్నారు ఈతరం నాయికలు. ఇప్పటికే కాజల్‌, సమంత, తమన్నా లాంటి వారంతా ఓటీటీల్లోకి అడుగుపెట్టారు. ఇప్పుడీ జాబితాలోకి నాయిక ఇలియానా వచ్చి చేరుతోంది. త్వరలో ఆమె అమెజాన్‌ ప్రైమ్‌ కోసం ఓ టాక్‌ షో చేయనుందని సమాచారం.

ఇదీ చదవండి:ఈసారి మర్డర్ మిస్టరీ వెబ్​ సిరీస్​లో తమన్నా

ఇందుకోసం ఇలియానా భారీ మొత్తంలో పారితోషికం అందుకోనుందని ప్రచారం జరుగుతోంది. దక్షిణాదికి చెందిన ఓ ప్రముఖ దర్శకుడు ఈ షోకి దర్శకత్వం వహించనున్నారని వార్తలు వినిపిస్తున్నాయి. తొలి సీజన్‌కు దక్కే ఆదరణను బట్టి అమెజాన్‌ ఈ షోని కొనసాగించే ఆలోచన చేయనుంది.

ఇదీ చదవండి:'రంగమ్మత్త'లానే 'పుష్ప'లో పాత్ర కూడా: అనసూయ