తన నటనతోనే కాకుండా లుక్స్తో ఆకట్టుకుంటున్న వారిలో బాలీవుడ్ హీరో హృతిక్ రోషన్ ముందుంటాడు. ఇటీవలే 'సూపర్ 30'తో హిట్ కొట్టిన ఈ కథానాయకుడు.. మరో ఘనత సొంతం చేసుకున్నాడు. ఓ యూఎస్ ఏజెన్సీ నిర్వహించిన సర్వేలో హాలీవుడ్ నటులు క్రిస్ ఏవాన్స్, రాబర్డ్ పాటిన్సన్, డేవిడ్ బెక్హమ్ను వెనక్కి నెట్టి 'మోస్ట్ హ్యండ్సమ్ మ్యాన్ ఇన్ ద వరల్డ్'గా నిలిచాడు. ఈ విషయంపై ఆనందం వ్యక్తం చేశాడు హృతిక్.
"ఇదేమంత గొప్ప విషయం కాదు. నా అభిప్రాయం ప్రకారం ఈ ప్రపంచంలో ఎవరైనా ఎక్కువగా కోరుకునేది, విలువైనదిగా ఏదైనా ఉంటే అది వారి వ్యక్తిత్వమే. అది ఎల్లప్పుడూ మిమ్మల్ని మరింత ఆకర్షణీయంగా చేస్తుంది" -హృతిక్ రోషన్, బాలీవుడ్ కథానాయకుడు