Hey sinamika trailer: దుల్కర్ సల్మాన్ 'హే సినామిక' ట్రైలర్ రిలీజైంది. ఓ అమ్మాయితో పెళ్లి, మరో అమ్మాయితో స్నేహం.. ఈ రెండు ఒకేసారి చేయడం వల్ల వచ్చిన ప్రాబ్లమ్స్ ఏంటి? అనే కథతో ఈ సినిమాను తెరకెక్కించినట్లు తెలుస్తోంది.
ఇందులో దుల్కర్ సరసన కాజల్ అగర్వాల్, అదితీ రావు హైదరీ హీరోయిన్లుగా నటించారు. '96' ఫేమ్ గోవింద్ వసంత సంగీతమందించారు. కొరియోగ్రాఫర్ బృంద.. ఈ సినిమాతో డైరెక్టర్గా పరిచయమవుతున్నారు. మార్చి 3న ఈ సినిమా.. తెలుగు, తమిళ, మలయాళ భాషల్లో రిలీజ్ కానుంది.
Adavallu meeku joharlu: 'ఆడవాళ్లు మీకు జోహార్లు' డబ్బింగ్ పూర్తి చేశారు హీరోహీరోయిన్లు శర్వానంద్, రష్మిక. ఈ సందర్భంగా తీసుకున్న ఫొటోను చిత్రబృందం రిలీజ్ చేసింది.
ఫ్యామిలీ ఎంటర్టైనర్గా తీసిన ఈ సినిమా.. ఫిబ్రవరి 25న థియేటర్లలోకి రానుంది. దేవిశ్రీ ప్రసాద్ సంగీతమందించగా, కిషోర్ తిరుమల దర్శకత్వం వహించారు. ఇప్పటికే రిలీజైన ట్రైలర్, పాటలు.. సినిమాపై అంచనాల్ని పెంచుతుండటం విశేషం.