తమిళ హీరో కమల్ హాసన్ ప్రధానపాత్రలో ప్రముఖ దర్శకుడు శంకర్ తెరకెక్కిస్తోన్న చిత్రం 'భారతీయుడు 2'. ఇటీవలే షూటింగ్ కార్యక్రమాలు ప్రారంభమయ్యాయి. చాలా రోజుల క్రితమే సినిమా ప్రారంభమవ్వాల్సి ఉండగా అనివార్య కారణాల వల్ల వాయిదా పడుతూ వస్తోంది.
ఈ సినిమాలో హీరోయిన్గా కాజల్ అగర్వాల్ ఎంపికైంది. అయితే షూటింగ్ వాయిదా వల్ల డేట్స్ కుదరక ఈ హీరోయిన్ చిత్రం నుంచి తప్పుకుంటున్నట్లు వార్తలొచ్చాయి. ఈ విషయమై కాజల్ స్పందించింది. అలాంటిదేమీ లేదని.. ఇంతటి ప్రతిష్ఠాత్మక ప్రాజెక్టు నుంచి తప్పుకునే ఛాన్సేలేదని స్పష్టం చేసింది. షూటింగ్ కోసం ఆత్రుతగా ఎదురుచూస్తున్నట్లు పేర్కొంది.