Pushpa movie: 'పుష్ప' థియేటర్లలో దుమ్ములేపుతోంది. ఈ క్రమంలో సక్సెస్ పార్టీలతో టీమ్ ఫుల్ బిజీగా ఉంది. ఇప్పుడు కాకినాడలోనూ శుక్రవారం సక్సెస్ ఈవెంట్ నిర్వహిస్తామని స్పష్టం చేశారు.
శేషాచలం ఎర్రచందనం స్మగ్లింగ్ నేపథ్య కథతో తీసిన ఈ సినిమాలో అల్లు అర్జున్ హీరోగా నటించారు. బన్నీ ఫెర్ఫార్మెన్స్కు విమర్శకుల నుంచి అద్భుత ప్రశంసలు దక్కుతున్నాయి. రష్మిక హీరోయిన్గా నటించింది. దేవిశ్రీ ప్రసాద్ సంగీతమందించగా, సుకుమార్ దర్శకత్వం వహించారు. మైత్రీ మూవీ మేకర్స్, ముత్తంశెట్టి మీడియా సంయుక్తంగా నిర్మించింది.
Hey sinamika movie: దుల్కర్ సల్మాన్ హీరోగా నటిస్తున్న కొత్త సినిమా 'హే సినామిక'. ఇప్పటికే దుల్కర్ ఫస్ట్లుక్ రిలీజవగా.. హీరోయిన్లు కాజల్ అగర్వాల్, అదితీ రావ్ హైదరీ లుక్స్ను గురువారం విడుదల చేశారు.
రొమాంటిక్ ఎంటర్టైనర్గా తెరకెక్కుతున్న ఈ చిత్రం వచ్చే ఏడాది ఫిబ్రవరి 25న ప్రేక్షకుల ముందుకు రానుంది. కొరియోగ్రాఫర్ బృంద మాస్టర్.. ఈ సినిమాతో డైరెక్టర్గా మారారు.