మలయాళ మెగాస్టార్ మమ్ముట్టి ప్రధాన పాత్రలో నటిస్తున్న చారిత్రక సినిమా 'మమన్గమ్' ఫస్ట్లుక్ విడుదలైంది. యుద్ధ సన్నివేశానికి సంబంధించిన ఈ లుక్... సినిమాపై అంచనాలను అమాంతం పెంచేసింది. కదనరంగంలో యోధుడిలా మమ్ముట్టి వేషధారణ ఆకట్టుకునేలా ఉంది.
మమన్గమ్ సినిమా మలయాళ, తెలుగు, తమిళ, హిందీ భాషల్లో రూపొందుతోంది. ఈ చిత్రానికి ఎం.పద్మకుమార్ దర్శకత్వం వహిస్తుండగా.. వేణు కున్నప్పళ్లి నిర్మిస్తున్నారు. సినిమాను ఈ ఏడాది చివర్లో ప్రేక్షకుల ముందుకు తీసుకొచ్చేందుకు ప్రయత్నిస్తున్నారు.