నేచురల్ స్టార్ నాని హీరోగా శివ నిర్వాణ దర్శకత్వంలో తెరకెక్కుతోన్న ఫ్యామిలీ ఎంటర్టైనర్ 'టక్ జగదీష్'. రీతూవర్మ, ఐశ్వర్యా రాజేశ్ హీరోయిన్లు. ఇప్పటికే విడుదల చేసిన ఈ చిత్రంలోని ఓ సాంగ్ ఆకట్టుకోగా.. మరో పాటను విడుదల చేసేందుకు సిద్దమైంది చిత్రబృందం. 'కోలో కోలన్న కోలో' అంటూ సాగే పాటను మార్చి 13న ఉదయం 10.08 గంటలకు విడుదల చేయనున్నారు. ఈ సినిమాకు తమన్ సంగీతం అందిస్తున్నారు.
'ఈశ్వర' సాంగ్ ప్రోమో.. 'టక్ జగదీష్' సాంగ్ అప్డేట్
నేచురల్ స్టార్ నాని 'టక్ జగదీష్'లోని మరో పాట విడుదలకు ముహూర్తం కుదిరింది. అలాగే 'మోసగాళ్లు' కొత్త పోస్టర్ విడుదలైంది.
ఈశ్వర సాంగ్ ప్రోమో
మంచు విష్ణు, కాజల్ అగర్వాల్ ప్రధానపాత్రల్లో తెరకెక్కుతోన్న చిత్రం 'మోసగాళ్లు'. అమెరికాలో జరిగిన భారీ ఐటీ స్కామ్ ఆధారంగా ఈ సినిమాను తెరకెక్కిస్తున్నారు. తాజాగా మహా శివరాత్రి పురస్కరించుకుని ఈ మూవీకి సంబంధించిన కొత్త పోస్టర్ను విడుదల చేశారు. అన్ని కార్యక్రమాలు పూర్తి చేసుకుని మార్చి 19న ప్రేక్షకుల ముందుకు రానుందీ చిత్రం.
వైష్ణవ్ తేజ్, కృతిశెట్టి హీరోహీరోయిన్లుగా నటించిన 'ఉప్పెన' మూవీలోని 'ఈశ్వర' పాట ప్రేక్షకాదరణ సంపాదించుకుంది. తాజాగా కృతిశెట్టి ఈ పాటకు నాట్యరూపం ఇచ్చింది. మహా శివరాత్రి సందర్భంగా ఈ పాట ప్రోమోను విడుదల చేశారు. పూర్తి సాంగ్ సాయంత్రం 4.05 గంటలకు విడుదల కానుంది.