RRR Movie: "రామ్ చరణ్ అద్భుతమైన నటుడు. కానీ, ఆ విషయం తనకు తెలియదు. ఎన్టీఆర్ కూడా అద్భుతమైన నటుడు. ఆ విషయం తనకు తెలుసు" అని 'ఆర్ఆర్ఆర్' కథానాయకుల గురించి ప్రముఖ దర్శకుడు రాజమౌళి తెలిపారు. ఈ ఇద్దరు హీరోలతో ఆయన తెరకెక్కించిన ఈ పాన్‌ ఇండియా సినిమా ప్రచారాన్ని ముంబయిలో ఇటీవల నిర్వహించారు. చరణ్, తారక్‌ల మధ్య ఉన్న తేడా గురించి రాజమౌళి మాట్లాడారు. సల్మాన్‌ఖాన్‌ ముఖ్య అతిథిగా పాల్గొన్న ఆ వేడుకకు సంబంధించిన వీడియోల్ని చిత్ర బృందం విడుదల చేసింది. ఆ వివరాలివీ..
"ఓ సన్నివేశానికి సంబంధించిన చిత్రీకరణ పూర్తికాగానే రామ్ చరణ్‌ని హగ్‌ చేసుకుని బాగా చేశావు అని కితాబిస్తా. 'బాగుందా సర్‌.. మీకు నచ్చిందా సర్‌.. మీకు నచ్చితే ఓకే సర్‌' అని అంటాడు. అదే తారక్ విషయానికొస్తే.. తన నటన చూసి బాగుందని చెప్పేలోపు 'జక్కన్నా..' అదరగొట్టేశా కదా అంటాడు. తనపై తనకున్న విశ్వాసం అది. ఇలాంటి ఇద్దరు గొప్ప నటులతో కలిసి పనిచేసే అవకాశం నాకు వచ్చింది. సినిమా కోసం వారిద్దరినీ విపరీతంగా కష్టపెట్టా. చిత్రీకరణ తొలిరోజు నుంచే శ్రమపెట్టా. పరిచయ సన్నివేశం కోసం తారక్‌ను పాదరక్షలు లేకుండా అడవిలో పరిగెత్తించా. చరణ్‌ను వేలమంది సభ్యుల మధ్య దుమ్ములో నిలబెట్టా. అతనికి చెమట, రక్తం కారుతున్నా సరే వదిలిపెట్టలేదు. నా కెరీర్‌లో ది బెస్ట్‌ ఇంట్రడక్షన్‌ సీన్ ఇది." అని అన్నారు రాజమౌళి.
బ్రిడ్జిసీన్లో..