మెగాహీరో వరుణ్తేజ్-దర్శకుడు హరీశ్శంకర్ కాంబో మళ్లీ రిపీట్ కానుందా? అంటే అవుననే వినిపిస్తోంది. నేడు వరుణ్ పుట్టినరోజు సందర్భంగా హరీశ్ చేసిన ట్వీట్ చూస్తే ఇది అర్థమవుతోంది. గతంలో వీరిద్దరి కాంబినేషన్లో 'గద్దలకొండ గణేశ్' విడుదలై సూపర్హిట్గా నిలిచింది. ఇందులో నెగటివ్ రోల్ పోషించిన వరుణ్ నటనకు విమర్శకుల ప్రశంసలు దక్కాయి.
ఈ చిత్రాన్ని ఉద్దేశిస్తూ హరీశ్ మాట్లాడుతూ.. "ఆ పాత్రలో నిన్ను ఊహించుకున్నప్పుడు నాకు తెలియదు.. నువ్వు ఆ పాత్రను ఎంతో కష్టపడి ఆ స్థాయిలో రక్తికట్టిస్తావని. నీకు పుట్టినరోజు శుభాకాంక్షలు తెలపడం నాకు ఎప్పుడూ ఆనందం కలిగించే విషయం. నీతో మరోసారి పనిచేయాలని ఆసక్తిగా ఎదురుచూస్తున్నా" అని అన్నారు. దీంతో వరుణ్-హరీశ్ కాంబోలో మరో సినిమా వస్తుందని అభిమానులు ఆశిస్తున్నారు.