బిలియన్ వ్యూస్ 'రౌడీ బేబీ'.. సాయిపల్లవి ట్వీట్

రౌడీ బేబి గీతం యూట్యూబ్​లో అదరగొడుతోంది​. బిలియన్ వ్యూస్​ మార్క్​ను సోమవారం అందుకుంది. ఈ సందర్భంగా హీరోయిన్ సాయిపల్లవి, చిత్రనిర్మాణ సంస్థ ట్విట్టర్​ వేదికగా ఆనందం వ్యక్తం చేశారు.

ధనుష్​, సాయిపల్లవి జంటగా నటించిన 'మారి2' చిత్రంలోని 'రౌడీ బేబీ' పాట అద్భుత రికార్డు సృష్టించింది. దక్షిణ భారత సినీ చరిత్రలో యూట్యూబ్​లో 100 కోట్ల వ్యూస్ పొందిన మొదటి పాటగా ఘనత సాధించింది.

ఈ సందర్భంగా ఆనందం వ్యక్తం చేసిన నటి సాయిపల్లవి.. ప్రేక్షకుల ఆదరాభిమానాలకు ధన్యావాదాలు తెలిపింది. 'మారి 2'కు యువన్ శంకర్ రాజా సంగీతమందించగా, బాలాజీ మోహన్ దర్శకత్వం వహించారు. రౌడీ బేబీ' పాటకు ప్రభుదేవా కొరియోగ్రఫీ చేశారు.

ఇదీ చదవండి:త్వరగా 'ఆచార్య' పూర్తి.. 20 నుంచి సెట్స్​లోకిచిరు!