హిందీలో రికార్డు సృష్టిస్తోన్న 'డియర్‌ కామ్రేడ్‌'

విజయ్ దేవరకొండ హీరోగా తెరకెక్కిన చిత్రం 'డియర్​ కామ్రేడ్​'. తెలుగు ప్రేక్షకులను ఈ సినిమా ఆకట్టుకోకపోయినా.. హిందీ డబ్బింగ్​ వర్షెన్​తో యూట్యూబ్​లో విడుదలై సరికొత్త రికార్డులను సృష్టిస్తోంది.

విజయ్‌ దేవరకొండ, రష్మిక జంటగా.. భరత్‌ కమ్మ దర్శకత్వంలో తెరకెక్కిన చిత్రం 'డియర్‌ కామ్రేడ్‌'. తెలుగులో అనుకున్న స్థాయిలో విజయం సాధించలేదు. కాలేజీ, క్రికెట్‌ నేపథ్యంలో వచ్చిన ఈ చిత్రం యువతను బాగా ఆకట్టుకుంది. ఇటీవలే ఈ సినిమాను ఓ ప్రముఖ సంస్థ హిందీలో డబ్‌ చేసి యూట్యూబ్‌లో రిలీజ్​ చేసింది. నెట్టింట విడుదలైన 24గంటల్లో 12 మిలియన్ల వీక్షణలు సొంతం చేసుకుంది. సమయం గడుస్తున్న కొద్ది వ్యూస్‌ పెంచుకుంటూ రికార్డు దిశగా సాగుతోంది.

ప్రస్తుతం 17 మిలియన్ల వ్యూస్‌తో సంచలనం సృష్టిస్తోందీ సినిమా. విజయ్, రష్మిక నటన చాలా బాగుందంటూ కామెంట్స్‌ పెడుతున్నారు వీక్షకులు. ఏది ఏమైనా బాలీవుడ్‌ ప్రేక్షకులకు బాగా నచ్చేశాడీ 'డియర్‌ కామ్రేడ్‌'. ప్రస్తుతం పూరి దర్శకత్వంలో విజయ్‌ ఓ చిత్రం చేస్తున్నాడు. తెలుగు, తమిళ, హిందీలోనూ విడుదల కాబోతుంది. ఇలా ఈసారి బాలీవుడ్‌ ప్రేక్షకుల్ని ప్రత్యక్షంగా పలకరించనున్నాడీ రౌడీబాయ్.

ఇదీ చూడండి.. 'సామజవరగమన..' పాటకు కేటీఆర్ ఫిదా