హీరోహీరోయిన్లు విజయ్ దేవరకొండ, రష్మిక జంటగా నటించిన చిత్రం 'డియర్ కామ్రేడ్'. దక్షిణాదిలోని నాలుగు భాషల్లో, గతేడాది ప్రేక్షకుల ముందుకొచ్చింది. కానీ ఆశించిన ఆదరణ దక్కించుకోలేకపోయింది. అయితే ఇటీవలే వచ్చిన యూట్యూబ్లోని హిందీ వెర్షన్ మాత్రం ఓ రికార్డు సృష్టించింది.
యూట్యూబ్లో విడుదలైన 24 గంటల్లోనే అత్యధిక వీక్షణలు సొంతం చేసుకున్న ఈ సినిమా.. తక్కువ సమయంలో అత్యధిక లైకులు సాధించిన తెలుగు డబ్బింగ్ చిత్రంగా నిలిచింది. ఓ రోజులోనే 1 మిలియన్‌ లైకులు సొంతం చేసుకుంది. లైకులు మాత్రమే కాదు విజయ్, రష్మిక నటనకు ఫిదా అయి, తమ అభిమానాన్ని కామెంట్స్‌ రూపంలో వెల్లడిస్తున్నారు నెటిజన్లు.