సూపర్​స్టార్ రజనీకాంత్.. నిఖార్సయిన బ్రహ్మాచారి!

'దర్బార్​'లోని 'నిఖార్సయిన బ్రహ్మాచారి'ని అంటూ సాగే గీతాన్ని చిత్రబృందం శనివారం విడుదల చేసింది. ఇందులో రజనీకాంత్-నయనతార జోడీగా నటించారు.

'రొమాంటిక్ ఫేస్​కట్ నాది కాదు.. అయినా ఉంటావా నాతో బంగారూ' అంటూ సూపర్​స్టార్ రజనీకాంత్.. హీరోయిన్ నయనతార కోసం పాట పాడేస్తున్నాడు. ఇంతకీ అసలు విషయం తెలియాలంటే 'దర్బార్' వచ్చే వరకు ఆగాల్సిందే.​ అందులోనిదే ఈ గీతం. శనివారం విడుదల చేసింది చిత్రబృందం. ఇప్పటికే విడుదలైన పాటలు అలరిస్తున్నాయి.

ఈ సినిమాలో ఆదిత్య అరుణాచలం అనే పోలీస్ అధికారిగా కనిపించనున్నాడు రజనీ. ముంబయి బ్యాక్​డ్రాప్​లో తెరకెక్కించారు. నివేదా థామస్ కీలక పాత్ర పోషించింది. అనిరుధ్ సంగీతమందించాడు. ఏఆర్ మురుగదాస్​ దర్శకత్వం వహించాడు. లైకా ప్రొడక్షన్స్​పై సుభాస్కరన్ నిర్మాతగా వ్యవహరించారు. సంక్రాంతి కానుకగా రానుందీ చిత్రం.

ఇది చదవండి: 'ఏరా నీకంత పొగరా' అని రజనీపై కోప్పడిన నిర్మాత!