'సాహో'లో అత్యంత భయంకరమైన పాత్రలో తనని చూస్తారని అంటున్నాడు బాలీవుడ్‌ నటుడు చుంకీ పాండే. బాహుబలి వంటి హిట్‌ తర్వాత ప్రభాస్ కథానాయకుడిగా నటిస్తున్న చిత్రమిది. శ్రద్ధా కపూర్‌ కథానాయిక. నీల్‌ నితిన్‌ ముఖేష్‌, చుంకీ పాండే, టైగర్‌ ష్రాఫ్‌ వంటి ప్రముఖులు ప్రతినాయకులుగా కనిపించనున్నారు. ఆగస్టు 15న ప్రేక్షకుల ముందుకు రానుందీ చిత్రం.
ఈ నేపథ్యంలో ఓ ఆంగ్ల మీడియాతో మాట్లాడిన చుంకీ... 'సాహో'లోని తన పాత్ర వివరాలను పంచుకున్నాడు.
" ప్రభాస్ 'సాహో'లో నా పాత్ర గురించి ఎక్కువగా ప్రచారం చేయడం లేదు. టీజర్‌లో నేను ఎక్కువ సేపు కనిపించలేదు. కానీ మీరెప్పుడూ చూడని అత్యంత భయంకరమైన పాత్రలో నేను కనిపిస్తాను . హిందీలో వచ్చిన ‘బేగం జాన్‌’లో కంటే ఈ సినిమాలో అత్యంత భయంకరమైన ప్రతినాయకుడిగా నన్ను చూస్తారు’’ -చుంకీ పాండే, నటుడు
సుజీత్‌ దర్శకుడు. యూవీ క్రియేషన్స్‌ సంస్థ నిర్మిస్తోంది. రూ.350 కోట్ల భారీ బడ్జెట్‌తో సినిమాను రూపొందిస్తున్నారు.
ఇది చదవండి: సాహోలో ఒక్క ఛేజ్ సీన్ కోసం 90 కోట్లు..!