'ఈద్​.. అందరి జీవితాల్లో వెలుగులు నింపాలి'

నేడు రంజాన్ పర్వదినం సందర్భంగా శుభాకాంక్షలు తెలిపారు సెలబ్రిటీస్. అందరూ ఆరోగ్యంగా ఉండాలని ప్రార్థించారు.

ఈద్ ఉల్ ఫితర్(రంజాన్​) పర్వదినాన్ని పురస్కరించుకుని ముస్లిం సోదరసోదరీమణులకు శుభాకాంక్షలు తెలిపారు ప్రముఖులు. ప్రతి ఒక్కరు సుఖః సంతోషాలు, ఆరోగ్యంతో వర్ధిల్లాలని దేవున్ని ప్రార్థిస్తున్నట్లు ట్వీట్లు చేశారు. సమష్టి కృషితో కరోనా మహమ్మారిని అధిగమించాలని సూచించారు.

• అందరికీ ఈద్ ముబారక్. ఈ కరోనా కష్ట కాలంలో దేవుడు మీ అందరికీ ఆరోగ్యం, శాంతిని కలిగించి, బాధల నుంచి విముక్తి చేయాలని కోరుకుంటున్నా. - చిరంజీవి
• ముస్లిం సోదరసోదరీమణులకు రంజాన్ పర్వదిన శుభాకాంక్షలు. త్యాగం, సేవకు మారుపేరు రంజాన్ పవిత్రమాసం. ఎంతో భక్తి శ్రద్ధలతో కఠిన ఉపవాస దీక్ష ఉంటూ దైవాన్ని కొలవడం ఆదర్శప్రాయం. ఈ రంజాన్ పర్వదినాన దేవుడి కృపతో మీ అందరి జీవితాల్లోకి కొత్త వెలుగులు రావాలని, అందరూ సుఖ సంతోషాలతో, ఆయురారోగ్యాలతో వర్ధిల్లాలని కోరుకుంటున్నా. - బాలకృష్ణ
• ఈ ఈద్ పర్వదినం సంతోషం, ఆరోగ్యానికి కొత్త ద్వారాలు తెరవాలని కోరుకుంటున్నా. అందరికీ ఈద్ ముబారక్. ఇంట్లో ఉంటూ ఆరోగ్యంగా ఉండండి. - వెంకటేశ్
• అందరికీ ఈద్ శుభాకాంక్షలు. ఈ పర్వదినం మనందరి జీవితాల్లో సుఖసంతోషాలు కలిగించాలని కోరుకుంటున్నా. - మహేశ్ బాబు