సినీ నిర్మాత దొరస్వామిరాజు మృతి పట్లు సినీ ప్రముఖులు సంతాపం తెలిపారు. ఈ ఉదయం కేర్ ఆస్పత్రి నుంచి ఆయన భౌతికకాయాన్ని అభిమానులు, సినీ ప్రముఖుల సందర్శనార్థం ఫిల్మ్ ఛాంబర్కు తరలించారు. దొరస్వామిరాజు నిర్మాతగా సింహాద్రి వంటి సూపర్ హిట్ చిత్రాన్ని తెరకెక్కించిన దర్శకుడు రాజమౌళి సతీసమేతంగా వచ్చి దొరస్వామిరాజుకు పుష్పాంజలి ఘటించి నివాళులర్పించారు.
దొరస్వామిరాజు కన్నీటి వీడ్కోలు.. సినీప్రముఖుల నివాళి - దొరస్వామిరాజుకు నివాళులర్పించిన సినీప్రముఖులు
గుండెపోటుతో మృతి చెందిన ప్రముఖ నిర్మాత, వీఎంసీ అధినేతి దొరస్వామిరాజుకు తెలుగు చలన చిత్రపరిశ్రమ నివాళులర్పించింది. ఈ ఉదయం కేర్ ఆస్పత్రి నుంచి ఆయన భౌతికకాయాన్ని అభిమానులు, సినీ ప్రముఖుల సందర్శనార్థం ఫిల్మ్ ఛాంబర్కు తరలించారు.
దొరస్వామిరాజుకు నివాళులర్పించిన సినీప్రముఖులు
సంగీత దర్శకుడు కీరవాణి, నిర్మాతలు అశ్వినీదత్, అల్లు అరవింద్, తమ్మారెడ్డి భరద్వాజ, నటుడు మురళీమోహన్ ఫిల్మ్ చాంబర్కు విచ్చేసి దొరస్వామిరాజుకు తుది వీడ్కోలు పలికారు. ఆయనతో ఉన్న అనుబంధాన్ని గుర్తు చేసుకున్నారు. అనంతరం దొరస్వామిరాజు అంతిమయాత్ర ఫిల్మ్నగర్ మహాప్రస్థానానికి చేరుకుంది. అక్కడి ఆయన కుమారుడు విజయ్ కుమార్ వర్మ తండ్రికి అంతిమ సంస్కారాలు నిర్వహించారు.
ఇదీ చదవండి:రాజ్భవన్ ఘెరావ్... పోలీసుల అదుపులో వీహెచ్