బాలీవుడ్లో ఎంతో ప్రతిష్ఠాత్మకంగా తెరకెక్కుతున్న చిత్రం 'బ్రహ్మాస్త్ర'. అగ్రనటులు అమితాబ్ బచ్చన్, రణ్బీర్ కపూర్, ఆలియా భట్, కింగ్ నాగార్జున ప్రధాన పాత్రల్లో నటిస్తున్నారు. డిసెంబరులో విడుదల కావాల్సిన ఈ సినిమాను వాయిదా వేస్తున్నట్లు దర్శకుడు అయాన్ ముఖర్జీ తెలిపాడు. వచ్చే ఏడాది వేసవిలో ప్రేక్షకుల ముందుకు తీసుకొస్తామని ప్రకటించాడు.
'బ్రహ్మాస్త్ర' విడుదల తేదీ మారింది..!
భారీ బడ్జెట్తో రూపొందుతున్న బాలీవుడ్ చిత్రం 'బ్రహ్మాస్త్ర' విడుదల ఆలస్యం కానుంది. ముందుగా అనుకున్నట్లు డిసెంబరులో కాకుండా వచ్చే ఏడాది వేసవిలో రానుంది. దర్శకుడు అయాన్ ముఖర్జీ ఈ విషయాన్ని వెల్లడించాడు.
'బ్రహ్మాస్త్ర' వచ్చే తేదీ మారింది..!
"ఇటీవలే సినిమాకు పనిచేస్తున్న అన్ని విభాగాల వారితో చర్చించాం. వీఎఫ్ఎక్స్ కోసం మరింత సమయం కావాలని అడిగారు. ఎక్కడా రాజీ పడకూడదని నిర్ణయించుకున్నాం. ఇవన్నీ సినిమాను మరింత ఉన్నతంగా తీర్చిదిద్దుతాయి. విడుదల ఆలస్యమైనా ప్రేక్షకులకు నచ్చేలా చిత్రాన్ని రూపొందిస్తామనే నమ్మకం ఉంది" - అయాన్ ముఖర్జీ, దర్శకుడు
కరణ్ జోహార్ ఈ సినిమాకు నిర్మాతగా వ్యవహరిస్తున్నాడు. ఇప్పటికే విడుదలయిన లోగో టీజర్ చిత్రంపై ఆసక్తిని పెంచింది.