Bheemla Nayak Updates: పవర్స్టార్ పవన్ కల్యాణ్, దగ్గుబాటి రానా కీలక పాత్రలు పోషిస్తున్న చిత్రం 'భీమ్లా నాయక్'. సాగర్ కే చంద్ర దర్శకత్వంలో తెరకెక్కుతున్న ఈ చిత్రంపై అభిమానుల్లో భారీ అంచనాలు ఉన్నాయి. చిత్రబృందం రిలీజ్ చేస్తున్న ఒక్కో అప్డేట్ వారి అంచనాలను మరింత పెంచుతున్నాయి. తాజాగా మరో కొత్త అప్డేట్ను ప్రకటించింది మూవీటీమ్.
'భీమ్లానాయక్'లో రానా, పవన్కల్యాణ్ ఈ చిత్రానికి సంబంధించిన నాలుగో పాటను శనివారం ఉదయం 10.08 గంటలకు రిలీజ్ చేస్తున్నట్లు ప్రకటించింది. 'అడవి తల్లి మాట' అంటూ సాగే ఈ పాట కోసం ఫ్యాన్స్ ఆసక్తిగా ఎదురుచూస్తున్నారు.
ఇటీవల రిలీజ్ చేసిన 'లాలా భీంలా' పాట మంచి క్రేజ్ను సంపాదించింది. ఈ సినిమాకు తమన్ బాణీలు సమకూరుస్తున్నారు. ఈ చిత్రం వచ్చే ఏడాది జనవరి 12న రిలీజ్ కానుంది.
లక్ష్య సాంగ్...
నాగశౌర్య కథనాయకుడిగా సంతోష్ జాగర్లపూడి దర్శకత్వంలో తెరకెక్కుతున్న చిత్రం 'లక్ష్య'. కాలభైరవ బాణీలు అందిస్తున్న ఈ చిత్రం నుంచి మరో సాంగ్ రిలీజ్ కానుంది. శనివారం సాయంత్రం 4.05 గంటలకు 'సయా సయా' అనే పాటను యువసామ్రాట్ నాగచైతన్య చేతుల మీదుగా లాంచ్ చేయనుంది చిత్రబృందం.
యంగ్ రెబల్ స్టార్ ప్రభాస్-టాలీవుడ్ బ్యూటీ పూజా హెడ్గే జంటగా నటిస్తున్న చిత్రం 'రాధేశ్యామ్'. ఈ చిత్రానికి సంబంధించి ఇటీవల విడుదలై 'నగుమోము తారలే' పాటకు మంచి ఆదరణ లభిస్తోంది. యూట్యూబ్ ఇప్పటివరకు ఈ పాటకు 35 మిలియన్ (3.5 కోట్ల) వ్యూస్ వచ్చాయి. ఈ పాటను మూవీటీమ్ ఐదు బాషల్లో రిలీజ్ చేసింది.
శ్రీజిత్ ముఖర్జీ దర్శకత్వంలో 'శభాష్ మిథు' పేరుతో ప్రముఖ క్రికెటర్ మిథాలీ రాజ్ జీవిత కథ తెరకెక్కుతోంది. తాప్సీ ప్రధానపాత్ర పోషిస్తున్న ఈ చిత్రానికి సంబంధించి రిలీజ్ డేట్ను ప్రకటించింది చిత్రబృందం. వచ్చే ఏడాది ఫిబ్రవరి 4న ఈ సినిమా ప్రేక్షకుల ముందుకు రానున్నట్లు వెల్లడించింది.
రాజ్శేఖర్ కథానాయకుడిగా ఆయన సతీమణి జీవిత దర్శకత్వంలో తెరకెక్కుతున్న చిత్రం 'శేఖర్'. ఇప్పుడు ఈ సినిమా విడుదలపై చిత్రబృందం సందిగ్ధంలో ఉన్నట్లు సమాచారం. మలయాళ చిత్రం జోసెఫ్కు రీమేక్గా తెరకెక్కుతున్న ఈ సినిమాను ఓటీటీలో విడుదల చేసేందుకు మూవీ టీమ్ మొగ్గుచూపుతున్నట్లు తెలుస్తోంది. మిగతా సినిమాల నుంచి పోటీ, కరోనా పరిస్థితులే ప్రధాన కారణమని అంటున్నాయి సినీ వర్గాలు.
ఇదీ చూడండి :అంత వయసులోనూ ఈ ఫిట్నెస్.. ఎలా మలైకా?
