'గజిని','సింగం' సిరీస్లతో గుర్తింపు పొందిన కోలీవుడ్ స్టార్ హీరో సూర్య. యాక్షన్ థ్రిల్లర్ 'బందోబస్తు' చిత్రంతో త్వరలో థియేటర్లలో సందడి చేయనున్నాడు. తమిళ సినిమా 'కాప్పన్'కు తెలుగు అనువాదమిది. సాయేషా సైగల్ హీరోయిన్గా నటించింది. ఇతర పాత్రల్లో మోహన్లాల్, ఆర్య కనిపించనున్నారు.
ముందుగా అనుకున్నట్లు ఆగస్టు 30న కాకుండా సెప్టెంబరు 20న సినిమాను విడుదల చేస్తున్నామని నిర్మాతలు ప్రకటించారు. ఈ విషయంపై నెటిజన్ల ఆలోచన వేరే విధంగా ఉంది. భారీ బడ్జెట్తో తెరకెక్కిన 'సాహో' సినిమాకు పోటీ ఉండకూడదనే ఉద్దేశంతోనే ఈ మార్పు చేశారా, మరేదైనా కారణముందా అని చర్చించుకుంటున్నారు.