Bandla Ganesh Corona: నటుడు, నిర్మాత బండ్ల గణేశ్ కరోనా బారినపడ్డారు. ట్విట్టర్ వేదికగా ఆదివారం ఈ విషయాన్ని వెల్లడించారు గణేశ్. "గత మూడు రోజులు దిల్లీలో ఉన్నాను. ఈ సాయంత్రం కొవిడ్ పాజిటివ్ వచ్చింది. స్వల్ప లక్షణాలున్నాయి. ప్రస్తుతం ఐసొలేషన్లో ఉన్నాను. నా కుటుంబానికి మాత్రం నెగిటివ్ వచ్చింది. జాగ్రత్తగా ఉండండి. ప్రయాణాలు చేసే ముందు ఆలోచించండి." అని బండ్ల ట్వీట్ చేశారు. కాగ, గణేశ్ కరోనా బారినపడటం ఇది మూడోసారి. ఫస్ట్వేవ్, సెకండ్ వేవ్లలోనూ ఆయనకు వైరస్ సోకింది.
Bandla Ganesh Corona: బండ్ల గణేశ్కు మూడోసారి కరోనా
Bandla Ganesh Corona: బాలీవుడ్ నటి ఈషా గుప్తా, సినీ నటుడు బండ్ల గణేశ్ కొవిడ్ బారినపడ్డారు. బండ్లకు కరోనా సోకడం ఇది మూడోసారి.
బండ్ల గణేశ్
బాలీవుడ్ నటి ఈషా గుప్తా ఆదివారం కరోనా బారినపడ్డారు. ఈ విషయాన్ని ఇన్స్టాగ్రామ్ వేదికగా వెల్లడించారు ఈషా. ప్రస్తుతం ఆమె హోం క్వారంటైన్లో ఉన్నారు. "అన్ని జాగ్రత్తలు తీసుకున్నప్పటికీ కరోనా పాజిటివ్ వచ్చింది. కొవిడ్ నిబంధనలు పాటిస్తున్నాను. ఇంట్లోనే ఐసొలేషన్లో ఉన్నా. అందరూ జాగ్రత్తగా ఉండండి. మాస్కులు ధరించండి." అని ఈషా గుప్తా రాసుకొచ్చారు.
ఇదీ చూడండి:'ఒక్క రోజు ఆలస్యమైతే చనిపోయేవాడ్ని'