నటుడు బండ్ల గణేశ్‌ త్వరలో ఓ కొత్త అవతారం ఎత్తబోతున్నాడు. కమెడియన్‌గా, నటుడిగా, నిర్మాతగా, చివరకు రాజకీయ నాయకుడిగానూ తనదైన ముద్రవేసిన ఆయన త్వరలో కథానాయకుడిగా అలరించేందుకు సిద్ధమయ్యాడు. ఇప్పుడు ఈ వార్త తెలుగు చిత్ర పరిశ్రమలో హాట్‌టాపిక్‌గా మారింది.
ఇంతకీ బండ్ల గణేశ్‌ కథానాయకుడిగా నటించే చిత్రమేంటో తెలుసా? తమిళంలో ఘన విజయం సాధించిన క్రైమ్‌ థ్రిల్లర్‌ 'ఒత్త సెరుప్పు అళవు7'(సింగిల్‌ స్లిప్పర్‌ సైజ్-7) పార్తిబన్‌ స్వీయ దర్శకత్వంలో నటించిన ఈ చిత్రం బాక్సాఫీస్‌ వద్ద మంచి విజయాన్ని సాధించడమే కాకుండా పలు అవార్డులను సొంతం చేసుకుంది. ఒకే ఒక క్యారెక్టర్‌తో సినిమాను తెరకెక్కించి విమర్శకుల ప్రశంసలు అందుకున్నాడు పార్తిబన్‌. ఇప్పుడు ఈ సినిమాను హిందీలో అభిషేక్‌ బచ్చన్‌ రీమేక్ చేస్తున్నాడు. కాగా, తెలుగులో బండ్ల గణేశ్‌ ఈ క్యారెక్టర్‌ పోషించనున్నాడు.