'అవెంజర్స్ ఎండ్ గేమ్'... ఇటీవల విడుదలైన ఈ చిత్రం ప్రపంచవ్యాప్తంగా మంచి వసూళ్లతో దూసుకెళ్తోంది. అవెంజర్స్ సిరీస్లో చివరి సినిమాగా ప్రేక్షకుల ముందుకొచ్చింది. ఈ సిరీస్లో నటించిన హాలీవుడ్ నటుల పారితోషికాలు చూస్తే ఆశ్చర్యపోక తప్పదు. ఐరన్మ్యాన్ పాత్ర పోషించిన రాబర్ట్ డౌనీ జూనియర్ ఈ చిత్ర నిర్మాణ సంస్థ మార్వెల్తో పెద్ద మొత్తంలో ఒప్పందం కుదుర్చుకున్నట్లు సమాచారం.
ఎండ్గేమ్ ముందు చిత్రమైన 'అవెంజర్స్ ఇన్ఫినిటీ వార్'కు రాబర్ట్ డౌనీ దాదాపు 75 మిలియన్ డాలర్లు(రూ. 521 కోట్లు) తీసుకున్నట్లు హాలీవుడ్ వర్గాల అంచనా వేస్తున్నాయి. 2017లో వచ్చిన స్పైడర్ మ్యాన్ చిత్రంలోను రాబర్ట్ డౌనీ నటించాడు. ఈ సినిమా చిత్రీకరణలో మూడు రోజులే పాల్గొన్నాడు. ఇందుకుగాను రోజుకు 5 మిలియన్ డాలర్లు(రూ.34కోట్లు) తీసుకున్నాడు.