అవెంజర్స్ ఎండ్ గేమ్.. ఈ చిత్రం కోసం ప్రపంచవ్యాప్తంగా ప్రేక్షకులు ఎదురుచూస్తున్నారు. మార్వెల్ స్టూడియోస్ ఇప్పటివరకు నిర్మించిన అన్ని చిత్రాలకంటే ఈ సినిమా నిడివి ఎక్కువ. 3 గంటల 2 నిమిషాల పాటు తెరపై సందడి చేయనుంది. దీని ముందు భాగం అవెంజర్స్ ఇన్ఫినిటీ వార్ చిత్రం 2 గంటల 40 నిమిషాలుంది. ఆ సినిమా కంటే 'ఎండ్ గేమ్' 22 నిమిషాలు ఎక్కువసేపు ప్రేక్షకులను అలరించనుంది. ఏప్రిల్ 26న ప్రపంచవ్యాప్తంగా విడుదల కానుంది.
మార్వెల్ స్టూడియోస్ నిర్మిస్తున్న అవెంజర్స్ ఎండ్ గేమ్ చిత్రానికి ఆంటోని రసో, జోయ్ రసో సంయుక్తంగా దర్శకత్వం వహించారు. గత ఏడాది వచ్చిన అవెంజర్స్ ఇన్ఫినిటీ వార్కు సీక్వెల్గా తెరకెక్కిందీ చిత్రం. రాబర్ట్ డౌనీ జూనియర్, క్రిస్ ఇవాన్స్, మార్క్ రఫోలో, క్రిస్ హేమ్స్వర్త్, స్కార్లెట్ జాన్సన్, జెర్మీ రెన్నర్, పాల్ రూడ్ లాంటి అగ్ర నటులు ఈ సినిమాలో నటించారు.