ఈసారి పక్కా అన్నారు.. మళ్లీ పక్కకు వెళ్లారు

హీరో నిఖిల్ జర్నలిస్ట్​గా కనిపించనున్న 'అర్జున్ సురవరం' మళ్లీ వాయిదా పడింది. కొత్త విడుదల తేదీని కొద్ది రోజుల్లో చెపుతామని ట్విట్టర్​లో తెలిపాడీ కథానాయకుడు.

నిఖిల్ హీరోగా నటిస్తున్న ‘అర్జున్‌ సురవరం’ మరోసారి వాయిదా పడింది. ఇటీవల ప్రకటించినట్లు మే 1న సినిమా విడుదల కావడం లేదని చిత్రబృందం తెలిపింది.

హాలీవుడ్ చిత్రం ‘అవెంజర్స్‌: ఎండ్‌ గేమ్‌’ రిలీజ్​ దృష్ట్యా ఈ సినిమాకు థియేటర్లు దొరకని పరిస్థితి. మే 2వ వారంలో మహేశ్​బాబు ‘మహర్షి’ రానుంది. ఈ కారణంతో చిత్రాన్ని కొన్ని వారాలపాటు వాయిదా వేస్తున్నట్లు ట్విట్టర్​ ద్వారా తెలిపాడు నిఖిల్​. ట్రైలర్‌ విడుదలనూ ఆపేశారు.

హీరో నిఖిల్ ట్విట్టర్​ పోస్ట్

‘కిరాక్‌ పార్టీ’ తర్వాత నిఖిల్‌ కథానాయకుడిగా నటిస్తోన్న చిత్రమిది. టి.ఎన్‌. సంతోష్‌ దర్శకత్వం వహించారు. లావణ్య త్రిపాఠి కథానాయిక. తమిళ హిట్‌ మూవీ ‘కనితన్‌’కు రీమేక్‌గా తెరకెక్కిస్తున్నారు. జర్నలిస్ట్​ పాత్రలో హీరో కనిపించనున్నాడు.