బాలీవుడ్ నటుడు అర్జున్ కపూర్ సీనియర్ నటి మలైకా అరోరా ప్రేమలో ఉన్నట్లు కొన్నేళ్లుగా వార్తలు వస్తున్నాయి. వీరికి నిశ్చితార్థం కూడా అయినట్లు పుకార్లు వచ్చాయి. తాజగా తన ప్రేయసి మలైకా గురించి స్పందించాడు అర్జున్. మలైకా స్వతంత్రంగా ఉంటూ గౌరవప్రదంగా బతకడం తనకెంతో ఇష్టమని చెప్పాడు. ఓ ఇంటర్వ్యూలో మలైకాలో ఏమంటే ఇష్టమని అడగగా స్పందించాడీ హీరో.
"మలైకాకు ఉన్న గౌరవం నాకిష్టం. 20 ఏళ్ల వయసు నుంచి ఇప్పటివరకు స్వతంత్రంగా జీవిస్తూ, సొంత నిర్ణయాలు తీసుకుంటూ ఉండటం చాలా గొప్పగా అనిపిస్తుంది. తన పనే సమాధానం చెప్పాలని భావిస్తుంది. ప్రతిరోజూ తన నుంచి ఎంతో నేర్చుకుంటూనే ఉంటా."