ఏపీ థియేటర్లలో 100 శాతం ప్రేక్షకులకు అనుమతి

ఆంధ్రప్రదేశ్​లోని సినిమా ప్రేక్షకులకు శుభవార్త. గురువారం నుంచి అన్ని థియేటర్లలోకి వందశాతం ప్రేక్షకుల్ని అనుమతిస్తూ నిర్ణయం తీసుకున్నారు. దీంతో దసరాకు రిలీజయ్యే చిత్రాలకు లైన్ క్లియర్ అయింది.

దసరాకు మన సినిమాల రిలీజ్​కు అంతా సిద్ధమైంది. ఈ క్రమంలోనే ఆంధ్రప్రదేశ్​ ప్రభుత్వం గుడ్​న్యూస్ చెప్పింది. గురువారం నుంచి రాష్ట్రంలోని అన్ని సింగిల్ స్క్రీన్, మల్టీప్లెక్స్​ థియేటర్లలో నాలుగు షోలతో పాటు 100 శాతం ప్రేక్షకులను అనుమతిస్తున్నట్లు నిర్ణయం తీసుకుంది. దీంతో తమ చిత్రాలకు ప్రేక్షకుల నుంచి విశేషాదరణ దక్కుతుందని 'మహాసముద్రం', 'మోస్ట్​ ఎలిజిబుల్ బ్యాచ్​లర్' నిర్మాతలు భావిస్తున్నారు.

'మహాసముద్రం', 'వెనెమ్' సినిమాలు గురువారం రిలీజ్​ కానుండగా.. 'మోస్ట్ ఎలిజిబుల్​ బ్యాచ్​లర్', 'పెళ్లి సందD' చిత్రాలు శుక్రవారం థియేటర్లలోకి రానున్నాయి. వీటన్నింటిపై మంచి అంచనాలు నెలకొన్నాయి. పండగ సెలవులతో పాటు పాటు వీకెండ్​ కూడా ఉండటం వల్ల వసూళ్లు పెరిగే అవకాశముంది! కరోనా రెండో దశ తర్వాత సినిమాలకు ఈ కలెక్షన్లు మరింత జోష్ తీసుకొచ్చేలా కనిపిస్తున్నాయి.

ఇవీ చదవండి: