వరుస విజయాలతో టాలీవుడ్లో సక్సెస్ఫుల్ డైరెక్టర్గా పేరు తెచ్చుకున్నాడు అనిల్ రావిపూడి. ఇతడు దర్శకత్వం వహించిన 'సరిలేరు నీకెవ్వరు' సంక్రాంతి కానుకగా విడుదలవనుంది. అయితే అంతకంటే ముందే రావిపూడి ఇంట్లో పండగ వాతావరణం చోటుచేసుకుంది. ఇందుకు కారణం ఇతడు తండ్రిగా ప్రమోషన్ పొందడమే. అనిల్ సతీమణి నేటి ఉదయం పండంటి బాబుకు జన్మనిచ్చింది. ఈ విషయాన్ని సూపర్ స్టార్ మహేశ్ బాబు ట్విట్టర్ వేదికగా తెలియజేశాడు.
ప్రస్తుతం మహేశ్ హీరోగా అనిల్ రావిపూడి దర్శకత్వం వహించిన 'సరిలేరు నీకెవ్వరు' ఈనెల 11న ప్రేక్షకుల ముందుకు రానుంది. ఈరోజు ఎల్బీ స్టేడియం వేదికగా ప్రీరిలీజ్ వేడుక జరగనుంది. ఈ కార్యక్రమానికి మెగాస్టార్ చిరంజీవి అతిథిగా రానున్నాడు.