'అంధాధున్' తెలుగు రీమేక్లో నితిన్, నభా నటాష్, తమన్నా ప్రధానపాత్రల్లో నటిస్తున్నారు. ఈ సినిమా చిత్రీకరణ శరవేగంగా జరుగుతోంది. మంగళవారం నితిన్ పుట్టినరోజు సందర్భంగా చిత్ర టైటిల్తో పాటు ఫస్ట్లుక్ను రాత్రి 12 గంటలకు విడుదల చేయనున్నట్లు చిత్రబృందం ప్రకటించింది. మేర్లపాక గాంధీ దర్శకత్వం వహిస్తుండగా.. శ్రేష్ఠ్ మూవీస్ పతాకంపై నికితా రెడ్డి, సుధాకర్ రెడ్డి నిర్మిస్తున్నారు.
నితిన్ 'అంధాదున్' రీమేక్ ఫస్ట్లుక్, టైటిల్ అప్డేట్ నాగచైతన్య, సాయిపల్లవి జంటగా నటిస్తోన్న 'లవ్స్టోరి' చిత్రంలోని సారంగదరియా పాట యూట్యూబ్లో సరికొత్త రికార్డును సృష్టించింది. అత్యంత వేగంగా వంద మిలియన్ల లైకులు దక్కించుకున్న తొలి దక్షిణాది పాటగా ఈ వీడియో ఘనత సాధించింది.
'లవ్స్టోరి' సారంగదరియా మిలియన్ లైక్లు సంతోష్ శోభన్, కావ్య తాపర్ జంటగా నటించిన చిత్రం 'ఏక్ మినీ కథ'. కార్తీక్ రాపోలు దర్శకత్వంలో మేర్లపాక గాంధీ కథ అందించిన ఈ చిత్రాన్ని యూవీ క్రియేషన్స్ నిర్మించింది. ఈ సినిమా త్వరలోనే ప్రేక్షకుల ముందుకురానుంది. హోలీ పండుగ సందర్భంగా యూవీ క్రియేషన్స్ కార్యాలయంలో పలువురు యూట్యూబర్లతో సంతోష్, కావ్యలు రంగోళి ఆడారు. రంగులు చల్లుకుంటూ సినిమాలోని పాటలకు నృత్యాలు చేస్తూ సందడి చేశారు.
'ఏక్ మినీ కథ' హోలీ సెలబ్రేషన్స్ యువ కథానాయకుడు నవీన్ పొలిశెట్టి హీరోగా ప్రియదర్శి, రాహుల్ రామకృష్ణ ప్రధానపాత్రల్లో నటించిన చిత్రం 'జాతిరత్నాలు'. అనుదీప్ కేవీ దర్శకత్వంలో రూపొందిన ఈ చిత్రానికి నాగ్ అశ్విన్ నిర్మాతగా వ్యవహరించారు. మహా శివరాత్రి సందర్భంగా థియేటర్లలో విడుదలైన సినిమా.. విశేష ప్రేక్షకాదరణ దక్కించుకుంది. ఈ నేపథ్యంలోని చిత్రంలోని సూపర్డూపర్ హిట్గా నిలిచిన 'చిట్టీ' వీడియో సాంగ్ను సోమవారం చిత్రబృందం విడుదల చేసింది.
ఇదీ చూడండి:బీబీ3 అప్డేట్: కలెక్టర్తో బాలయ్య ప్రేమాయణం!
