అమితాబ్ బచ్చన్, ఆయుష్మాన్ ఖురానా కలిసి నటిస్తున్న చిత్రం 'గులాబో సితాబో'. తాజాగా ఈ సినిమా 2020 ఏప్రిల్ 24న విడుదల కానున్నట్టు చిత్రబృందం తెలిపింది. షుజిత్ సర్కార్ దర్శకత్వం వహిస్తోన్న ఈ చిత్రాన్ని మొదట ఈ ఏడాది నవంబరులో విడుదల చేయాలనుకున్నారు.
అమితాబ్, ఆయుష్మాన్ సినిమా వాయిదా
అమితాబ్, ఆయుష్మాన్ ఖురానా నటిస్తున్న 'గులాబో సితాబో' చిత్రం వచ్చే ఏడాది ప్రేక్షకుల ముందుకు రానుంది. ఏప్రిల్ 24న విడుదల కానుంది. ఈ సినిమాకు షుజిత్ సర్కార్ దర్శకత్వం వహిస్తున్నాడు.
అమితాబ్ - ఆయుష్మాన్
'విక్కీడోనర్' చిత్రంతో ఆయుష్మాన్ ఖురానా హీరోగా బాలీవుడ్లో అరంగేట్రం చేశాడు. ఈ సినిమాను షుజిత్ సర్కార్ తెరకెక్కించాడు. అమితాబ్తో షుజిత్ 'పీకూ' సినిమాను తీశాడు. ఈ రెండు చిత్రాలు భారీ విజయాలను అందుకున్నాయి. ప్రస్తుతం అమితాబ్, ఆయుష్మాన్ కలిసి నటించే ఈ చిత్రంపై భారీ అంచనాలు నెలకొన్నాయి.
హాస్య ప్రధానంగా సాగనున్న 'గులాబో సితాబో' చిత్రానికి జూహీ చతుర్వేది కథను అందించాడు. ఇంతకు ముందు షుజిత్ తెరకెక్కించిన 'విక్కీడోనర్', 'పీకూ', 'అక్టోబర్' చిత్రాల కథను జూహీనే రాశాడు. గులాబో సితాబో చిత్రాన్ని రోనీ లాహిరి, షీల్ కుమార్ నిర్మిస్తున్నారు.