బిగ్​ బీ లద్దాఖ్​ పర్యటన- నెటిజన్ల ఆవేదన!

బాలీవుడ్ మెగాస్టార్​ అమితాబ్​ బచ్చన్​ ఫేస్​బుక్​ పోస్టుపై నెటిజన్లు తీవ్రంగా స్పందించారు. తన ఆరోగ్యంపై శ్రద్ధ వహించాలని కోరుతూ ఆవేదన వ్యక్తం చేశారు. ఇంతకీ బిగ్​బీ ఏం పోస్ట్​ చేశారో తెలుసా?

అభిమానులను ఆశ్చర్యంలో ముంచెత్తారు బాలీవుడ్​ మెగాస్టార్ అమితాబ్ బచ్చన్. మైనస్​ 33 డిగ్రీల సెల్సియస్​ ఉష్ణోగ్రత ఉన్న లద్దాఖ్ ప్రాంతంలో షూటింగ్​కు వెళ్లి వచ్చినట్లు ఫేస్​బుక్​ వేదికగా పేర్కొన్నారు. దీనిపై స్పందించిన నెటిజన్లు బిగ్​బీని ప్రశంసించారు. ఆరోగ్యంపైనా శ్రద్ధ తీసుకోవాలని కోరారు.

"లద్దాఖ్ వెళ్లి వచ్చాను. -33 డిగ్రీల ఉష్ణోగ్రత ఉంది. ఈ చలి నుంచి నన్ను ఏదీ కాపాడలేదు అని అనిపించింది"

-అమితాబ్ బచ్చన్, బాలీవుడ్ నటుడు.

ఈ పోస్ట్​పై స్పందించిన నెటిజన్లు.. ఈ సమయంలో బిగ్​బీ తన ఆరోగ్యంపై శ్రద్ధ వహించాలని ఆవేదన వ్యక్తం చేశారు. అమితాబ్​ అంకితభావాన్ని ప్రశంసించారు.

"మీరు జీవితంతో ఆటలాడొద్దు. ఇప్పటికే మీరు చాలా డబ్బు సంపాదించారు. జీవితమే కొల్పోతే ఇంక చేసేది ఏం ఉండదు. సాహసాలు చేయడం మానేయండి" అని ఓ అభిమాని అమితాబ్​ను కోరాడు. ఇదేవిధంగా మరికొందరు అభిమానులు బిగ్​బీ పోస్ట్​పై కామెంట్లు చేశారు.

ఇదీ చదవండి:ఇండియాలోనే భారీ ఆలయ సెట్​లో 'ఆచార్య'