శర్వానంద్, ప్రియాంకా అరుళ్‌ మోహన్‌ నాయకానాయికలుగా తెరకెక్కిన చిత్రం 'శ్రీకారం'. కిశోర్.బి దర్శకుడు. వ్యవసాయం ప్రధానాంశంగా రూపొందిన ఈ సినిమాలో కీలక సమయంలో వచ్చే 'అలిసిన సూపులలో ఎలితిని సూడవురా..' పాట ప్రేక్షకుల హృదయాన్ని హత్తుకుంది. పాటలో పల్లెటూరు వేదనను వర్ణించిన తీరు అందరినీ మెప్పించింది. ఎప్పుడెప్పుడు ఈ పాట విడుదలవుతుందా అని శ్రోతలు ఎదురుచూశారు. వాళ్ల నిరీక్షణకు ఫుల్‌స్టాప్ పెడుతూ తాజాగా ఈ పాట లిరికల్ వీడియోను చిత్రబృందం విడుదల చేసింది.
'శ్రీకారం' నుంచి మనసును హత్తుకునే పాట!
శర్వానంద్ హీరోగా కిశోర్.బి తెరకెక్కించిన 'శ్రీకారం' చిత్రం నుంచి 'అలిసిన సూపులలో' లిరికల్ సాంగ్ను విడుదల చేశారు. భరద్వాజ్ పాత్రుడు అందించిన సాహిత్యం ఆకట్టుకుంటోంది.
శ్రీకారం
భరద్వాజ్ పాత్రుడు సాహిత్యం అందించిన ఈ గీతాన్ని మోహన భోగరాజు ఆలపించారు. మిక్కీ జె.మేయర్‌ స్వరాలు సమకూర్చారు. 14 రీల్స్‌ ప్లస్‌ సంస్థ నిర్మించింది. ఇంకెందుకు ఆలస్యం ఈ గీతాన్ని మీరూ వినేయండి.