బాలీవుడ్ స్టార్ హీరోయిన్ ఆలియా భట్(alia bhatt business) వరుస సినిమాల్లో నటిస్తూ కెరీర్లో దూసుకెళ్తోంది. ఓ వైపు నటిస్తూనే మరోవైపు నిర్మాతగానూ మారింది. ఇప్పుడు మరో కొత్త వ్యాపారంలోకి అడుగుపెట్టింది. అగరబత్తీలు, బయోలెదర్ తయారు చేసే ఓ అంకుర సంస్థలో పెట్టుబడులను పెట్టింది. ఇందులో ఇన్వెస్ట్ చేయడం సంతోషంగా ఉందని చెప్పింది.
2017లో ఓ ఇంజినీరింగ్ గ్రాడ్యుయేట్ అంకిత్ అగర్వాల్.. ఈ అంకుర సంస్థను స్థాపించాడు. ఇప్పటికే ఈ స్టార్టప్ కంపెనీ సీడ్ ఫండింగ్ ద్వారా దాదాపు 2 మిలియన్ల డాలర్లను ఐఐటీ కాన్పూర్, ఐఏఎన్ ఫండ్, సోషల్ అల్ఫా ఎప్ఐఎస్ఈ, డ్రాపర్ రిచర్డ్స్ కల్పన్ ఫౌండేషన్ నుంచి సేకరించింది. ఈ స్టార్టప్ ఇప్పటికే ఫెయిర్ ట్రేడ్ అండ్ ఎకోసర్ట్ ఆర్గానిక్ అండ్ నేచురల్ సర్టిఫికేట్ను పొందింది.