బాలీవుడ్ హీరోయిన్ ఆలియా భట్.. ప్రముఖ దర్శకుడు సంజయ్లీలా భన్సాలీ దర్శకత్వంలో 'గంగూబాయి కతియావాడి' సినిమాలో నటిస్తోంది. అయితే చిత్రీకరణలో ఆమెకు గాయమైందనే వార్త కొద్ది రోజులుగా చక్కర్లు కొడుతోంది. తాజాగా ఈ విషయం గురించి మాట్లాడిందీ భామ.
"గంగూబాయి కతియావాడి' సినిమా షూటింగ్లో ఎలాంటి గాయం కాలేదు. మీరు చూసిన చిన్న గాయం.. నేను ఇంట్లో ఉండగా తగిలింది. నా గురించి పెద్ద పెద్ద ఆర్టికల్స్ రాసే ముందు కొంచెం అడిగి తెలుసుకోండి"
- ఆలియా భట్, హీరోయిన్
ఒకప్పటి ముంబయి మాఫియాలో లేడీ డాన్గా ఉన్న గంగూబాయి జీవితం ఆధారంగా ఈ చిత్రం తీస్తున్నారు. ఈమె పాత్రలోనే కనిపించనుంది ఆలియా. ఇటీవలే విడుదలైన ఫస్ట్లుక్ ఆకట్టుకుంటోంది.
ప్రస్తుతం ఆలియా.. తెలుగులో దర్శకధీరుడు రాజమౌళి రూపొందిస్తున్న 'ఆర్ఆర్ఆర్'లో నటిస్తోంది. అల్లూరి సీతారామరాజు పాత్ర పోషిస్తున్న రామ్ చరణ్ పక్కన సీతగా కనిపించనుంది. కరణ్ జోహార్ నిర్మిస్తున్న భారీ బడ్జెట్ సినిమా 'బ్రహ్మాస్త్ర'లో హీరోయిన్గా నటిస్తోంది.
ఇదీ చదవండి: ముందు రక్షకుడు.. ఆ తర్వాత వస్తున్న రాక్షసుడు
