అందాల ఆలియా ప్రస్తుతం బాధలో ఉందట.. కారణం ఇద్దరు ఖాన్లతో సినిమాలు చేతి వరకూ వచ్చి జారిపోవడమే. అసలు విషయం ఏంటంటే.. సల్మాన్ఖాన్ హీరోగా రాబోయే 'ఇన్షాల్లా'లో ఆలియాను నాయికగా ఎంపికచేశారు. సంజయ్లీలా భన్సాలీ దర్శకత్వం వహించబోయే ఈ చిత్రానికి అడగగానే తన కాల్షీట్లన్నీ ఇచ్చేసిందట ఆలియా. ఆ సమయంలోనే ఆమీర్ ఖాన్తో ఓ సినిమా చేయడానికి అవకాశం వచ్చిందట. అయితే, డేట్స్ కుదరక ఈ అవకాశం వదిలేసిందీ భామ.
భారీ బడ్జెట్తో నిర్మించాల్సిన 'ఇన్షాల్లా' ఇప్పట్లో సెట్స్పైకి వెళ్లే అవకాశం లేదంటూ చిత్రబృందం ఇటీవలే ప్రకటించింది. ఫలితంగా ఈ సినిమా’ ఆగిపోయినట్లే అన్న వార్తలు గట్టిగా వినిపిస్తున్నాయి. ఈ పరిస్థితిలో ఆమీర్, సల్మాన్ ఇద్దరి సినిమాలు ఆలియాకు దక్కనట్లే. ఇందుకు ఆలియా ఎంతో బాధ పడుతుందని సమాచారం.