రౌడీ కథానాయకుడు విజయ్ దేవరకొండకు ఇటు దక్షిణాదిలోనే కాక అటు ఉత్తరాదిలోనూ మంచి క్రేజ్ ఉంది. ఇప్పటివరకు ఈ హీరో బాలీవుడ్లో ఒక్క సినిమా చేయనప్పటికీ అతడి క్రేజ్ మాత్రం అక్కడ ఆకాశమంత ఎత్తుకు చేరుకుంటోంది. ఈ అభిమానం అక్కడి సినీప్రియులకు మాత్రమే పరిమితం కాదు.. బాలీవుడ్‌లోని స్టార్‌ కథానాయికలు కూడా దేవరకొండ మత్తులో ఊగిపోతున్నారు.
విజయ్తో కలిసి పనిచేసే అవకాశం కోసం జాన్వీ కపూర్‌, సారా అలీఖాన్ వంటి యువ తారకలు ఎంతో ఆత్రుతగా ఎదురు చూస్తున్నారు. అయితే దేవరకొండపై మనసు పారేసుకున్న బాలీవుడ్ కథానాయికల జాబితాలో ఇప్పుడు ఆలియా భట్ కూడా చేరిపోయింది. తాజాగా ఈ భామ ముంబయిలో జరిగిన ఫిలింఫేర్‌ అవార్డుల కార్యక్రమంలో పాల్గొనగా అక్కడ ఆమెకు ఓ ప్రశ్న ఎదురైంది.