స్టైలిష్ స్టార్ అల్లు అర్జున్, అగ్ర దర్శకుడు త్రివిక్రమ్ కాంబినేషన్లో రూపొందుతోన్న చిత్రం 'అల వైకుంఠపురములో'. ఈ సినిమా నుంచి'ఓఎంజీ డాడీ' టైటిల్సాంగ్ పోస్టర్ వచ్చేసింది. ఇందులో అమ్మాయిల మధ్యలో అల్లు అర్జున్ చూడముచ్చటగా కనిపిస్తున్నాడు. పూర్తి పాట శుక్రవారం(నవంబరు 22)న సాయంత్రం 4:05 గంటలకు ప్రేక్షకుల ముందుకు రానుంది.
అమ్మాయిల మధ్యలో అల్లు అర్జున్ అలా...
ప్రముఖ దర్శకుడు త్రివిక్రమ్, స్టైలిష్ స్టార్ అల్లు అర్జున్ కాంబినేషన్లో రూపొందుతోన్న చిత్రం 'అల.. వైకుంఠపురములో'. తాజాగా ఈ సినిమా నుంచి మరో సాంగ్ పోస్టర్ విడుదలైంది. 'ఓఎంజీ డాడీ' టైటిల్తో సాగే పూర్తి పాట నవంబరు 22న ప్రేక్షకుల ముందుకు రానుంది.
అమ్మాయిల మధ్యలో అల్లు అర్జన్ ఇలా
బన్నీ 19వ చిత్రంగా 'అల వైకుంఠపురములో' తెరకెక్కుతోంది. పూజా హెగ్డే కథానాయిక. టబు, జయరాం, నివేదా పేతురాజ్‌, సుశాంత్‌, నవదీప్, సునీల్‌ తదితరులు కీలక పాత్రలు పోషిస్తున్నారు. తమన్‌ బాణీలు అందిస్తున్నాడు. హారిక అండ్‌ హాసిని క్రియేషన్స్‌, గీతా ఆర్ట్స్‌ పతాకాలపై ఎస్‌. రాధాకృష్ణ, అల్లు అరవింద్‌ సంయుక్తంగా ఈ సినిమాను నిర్మిస్తున్నారు. 'జులాయి', 'సన్నాఫ్‌ సత్యమూర్తి' వంటి హిట్‌ చిత్రాల తర్వాత బన్నీ, త్రివిక్రమ్ కాంబినేషన్లో వస్తోన్న మూడో చిత్రమిది. ఫలితంగా ప్రేక్షకుల్లో ఈ సినిమాపై భారీ అంచనాలు నెలకొన్నాయి. వచ్చే ఏడాది సంక్రాంతి కానుకగా జనవరి 12న ప్రేక్షకుల ముందుకు రానుందీ చిత్రం.