రోజుకు ఎనిమిది గంటలే పని చేయాలన్న నియమాన్ని బాలీవుడ్ నటుడు అక్షయ్ కుమార్ పెట్టుకున్నారు. ఆయన నటిస్తున్న 'బెల్ బాటమ్' కోసం మాత్రం గత 18 ఏళ్లుగా ఉన్నదాన్ని పక్కన పెట్టారట. షూటింగ్ కోసం రోజుకు రెండు షిఫ్టుల్లో పని చేస్తున్నారని, చిత్రబృందం అలానే పనిచేయాలని సూచించినట్లు సమాచారం.
18 ఏళ్ల నియమాన్ని పక్కన పెట్టి
స్కాట్లాండ్లోని అందమైన కొండల్లో 'బెల్ బాటమ్' చిత్రీకరణ జరుగుతోంది. లాక్డౌన్ తర్వాత విదేశాల్లో షూటింగ్ జరుగుతున్న తొలి బాలీవుడ్ చిత్రంగానూ నిలిచింది. అక్కడికి చేరుకున్న తర్వాత 14 రోజుల పాటు నిర్బంధంలో తమ విలువైన సమయాన్ని కోల్పోవడం సహా నిర్మాతలపై వ్యయభారం పెరుగుతుందని భావించిన అక్షయ్.. 18 ఏళ్లుగా తాను పాటిస్తున్న నియమాన్ని పక్కన పెట్టాలని నిర్ణయించుకున్నారట.