అక్షయ్ కుమార్ పోలీస్‌ పాత్రలో తెరకెక్కుతోన్న చిత్రం 'సూర్యవంశీ'. కత్రినా కైఫ్ కథానాయిక. రోహిత్ శెట్టి దర్శకుడు. ఈ సినిమాలోని ఓ యాక్షన్ సీన్లో భాగంగా హెలికాప్టర్ నుంచి వేలాడుతూ స్టంట్స్ చేశాడు అక్షయ్. తన ట్విట్ట‌ర్‌లో చిత్రీకరణ ఫోటోను పంచుకున్నాడు. ఫొటోతో పాటు చిన్న సందేశాన్ని రాశాడు.
హెలికాప్టర్ పట్టుకొని వేలాడిన అక్షయ్..!
బాలీవుడ్ యాక్షన్ హీరో అక్షయ్ కుమార్ మరోసారి తన విన్యాసాలతో అభిమానులను సర్ప్రైజ్ చేశాడు. ప్రస్తుతం తాను నటిస్తోన్న 'సూర్యవంశీ' చిత్రంలోని ఓ ఛేజింగ్ సీన్ ఫొటోను సామాజిక మాధ్యమాల్లో పంచుకున్నాడు అక్షయ్.
హెలీకాప్టర్ పట్టుకొని వేలాడిన అక్షయ్కుమార్
" మామూలుగానే హెలికాప్టర్ నుంచి వేలాడాను. 'సూర్యవంశీ' సెట్లోని దృశ్యమిది. ఇలాంటి స్టంట్స్ అభిమానులు ఎవ‌రూ చేయ‌వద్దు. ఇవన్నీ నిపుణుల ప‌ర్య‌వేక్ష‌ణ‌లో చేసినవి".
-- అక్షయ్ కుమార్, సినీ హీరో
అక్షయ్ పోస్ట్ చేసిన ఆ ఫొటోలో వేగంగా వెళుతున్న హెలికాఫ్టర్ నుంచి కిందకి వేలాడుతూ... బైక్పై వెళుతున్న విలన్ను పట్టుకునేందుకు ప్రయత్నిస్తున్నట్లు ఉంది. ఈ సినిమాను రోహిత్ శెట్టి - క‌ర‌ణ్ జోహార్ సంయుక్తంగా నిర్మిస్తున్నారు. ఇటీవల 'కేసరి' సినిమాతో ప్రేక్షకుల ముందుకు వచ్చిన ఈ స్టార్ హీరో... ప్రస్తుతం ల‌క్ష్మీ బాంబ్‌, మిషన్ మంగళ్, హౌస్ఫుల్, గుడ్ న్యూస్ చిత్రాలతో బిజీగా ఉన్నాడు.
Last Updated : Jun 6, 2019, 10:38 AM IST